31°
Кечаси 18°
У тўрт нафар аёлга иш топиб беришни ваъда қилиб, фоҳишалик билан шуғуллантириш мақсадида Истанбулга жўнатмоқчи бўлган.
Тезкор тадбир давомида ИИББ ходимлари одам савдоси билан шуғулланаётган 42 ёшли аёлни қўлга олган. Бу ҳақда ИИББ матбуот хизмати хабар берди.
Республикамизда доимий равишда ҳуқуқни муҳофаза қилувчи органлар томонидан одам савдосига қарши қатъий чора-тадбирлар амалга оширилиб келинмоқда. Хусусан, Тошкент вилояти ИИББ тезкор ходимлари томонидан навбатдаги одам савдоси билан боғлиқ ҳолатга чек қўйилди.
Ўтказилган тезкор тадбир давомида Бўстонлиқ туманида яшовчи 42 ёшли аёл 22-43 ёш орасидаги тўрт нафар аёлни мўмай даромад топадиган иш топиб беришни ваъда қилиб, фоҳишалик билан шуғуллантириш мақсадида Тошкент-Истанбул авиарейси орқали Туркия давлатига жўнатаётган вақтида вилоят ИИББ тезкор ходимлари томонидан ушлаб қолинди.
Ҳозирда мазкур ҳолат юзасидан ушланган шахсларга нисбатан Ўзбекистон Республикаси Жиноят кодексининг 135-моддаси билан жиноят иши қўзғатилиб, тергов ҳаракатлари олиб борилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
