Оҳангарон туманида фуқарони 3 000 АҚШ доллари эвазига ишга киритиб қўйишни ваъда қилган фирибгарлар ушланди. Бу ҳақида Бош прокуратура ҳузуридаги Иқтисодий жиноятларга қарши курашиш департаментининг матбуот хизмати маълум қилди. 

Департаментнинг Оҳангарон туман бўлим томонидан ДХХнинг Оҳангарон шаҳар бўлими билан тезкор тадбир ўтказилган. 

Унда маълум бўлишича, фуқаро Ж.К. ва Ф.З.лар фуқаро М.нинг ишончига кириб, уни  танишлари орқали 3 000 АҚШ доллари эвазига “Олмалиқ тоғ-кон металлургия комбинати” АЖга ишга киритиб қўйишни ваъда қилган. Шундан 1 500 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Шунингдек, тергов ҳаракатлари ўтказилмоқда.

• Бош прокуратура
• Фирибгарлик
• Жиноят
• Ohangaron