Олимпиада ўйинларида олтин медални қўлга киритган боксчилар лейтенант Абдумалик Халоков ва лейтенант Лазизбек Мулложоновга муддатидан олдин катта лейтенант унвони берилди. Бу ҳақда Ички ишлар вазирлиги хабар берди. 

Бундан ташқари, ўйинларда бронза медалини қўлга киритган дзюдочи, сафдор Музаффарбек Тўрабоев лейтенант унвони соҳиби бўлди.

Шунингдек, ушбу тақдирлаш маросимида Олимпия ўйинларининг иштирокчилари, Исломжон Баҳромов, Екатерина Воронина, Актенге Кеунимжаева, Шарофиддин Болтабоев, Муроджон Йўлдошев ва Арам Варданян Ички ишлар вазирининг “Фахрий ёрлиғи” ва эсдалик совғаси билан мукофотланди. Исроил Мадримов эса “Аъло хизматлари учун” кўкрак нишони билан тақдирланган.

• Ichki ishlar
• Мукофот
• Олимпиада
• Тақдирлаш