Сенатнинг 35-ялпи мажлисида Олий суд раисининг ўринбосарини сайлаш ва Олий суд таркибига ўзгартиришлар киритиш тўғрисидаги масалалар кўриб чиқилди.

Сенаторлар Шуҳрат Полвоновни судялик лавозимида бўлишнинг навбатдаги ўн йиллик муддатига, Олий суд раисининг ўринбосари — иқтисодий ишлар бўйича судлов ҳайъати раиси лавозимига беш йил муддатга сайлади.

Мажлисда, шунингдек, Олий суд таркибига ўзгартиришлар киритиш тўғрисидаги масала муҳокама қилинди.

Сенатнинг қабул қилинган қарорига мувофиқ, Гулнора Мирзаева, Абдикамал Абдикаримов ва Аскар Бекманов Олий суднинг судяси лавозимига ўн йиллик муддатга сайланди.

Шунингдек, М.А.Назаров, Ж.И.Ғайбуллаев, Б.А.Наимов, А.К.Тўхташев Олий суднинг судяси лавозимидан озод этилди.

• Олий суд
• Тайинлов