Олмалиқ шаҳрида содир бўлган ЙТҲда жабрланган қиз ҳодисадан 9 кун ўтиб, шифохонада вафот этди. Бу ҳақда Ички ишлар вазири матбуот котиби маълум қилди.
Жорий йилнинг 15 май куни Тошкент вилояти Олмалиқ шаҳрида 2004 йилда туғилган ҳайдовчи С.Х. бошқарувидаги Damas автомашинасида шаҳарнинг 21-мактаб қаршисидаги пиёдалар йўлакчасидан ўтаётган 14 ёшли икки нафар ўқувчи қизни уриб юбориб, йўл-транспорт ҳодисаси содир этгани ҳақида хабар берилган эди.
Маълум бўлишича, бугун, 24 май куни ЙТҲ иштирокчиларидан бири, 2009 йилда туғилган М.Й. (мактаб ўқувчиси) олиб борилган тиббий муолажаларга қарамай, шифохонада ҳаётдан кўз юмган.
Эслатиб ўтиш мумкин, мазкур ЙТҲга ҳайдовчи светофорнинг қизил чироғида ҳаракатлангани сабаб бўлган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!