Ҳиндистон ва Покистон ўртасидаги кескинлик кучайгани фонида Ҳиндистон 32 та аэропортни фуқаролик рейслари учун ёпди. Бу ҳақда The Times of India газетаси хабар берди.

Нашр маълумотларига кўра, ушбу аэропортлар 15 май куни соат 05:29 гача ёпиқ бўлади.

Ҳиндистон Фуқаролик авиацияси хавфсизлик бюроси (BCAS) барча авиакомпаниялар ва аэропортларга хавфсизлик чораларини кучайтириш бўйича кўрсатмалар берган.

Мавжуд вазиятдан келиб чиқиб, Мумбай халқаро аэропорти йўловчиларга текширувлар вақтининг узайгани сабабли иложи борича аэропортга эртароқ етиб келишни тавсия қилган.

Эслатиб ўтамиз, аввалроқ Покистон Ҳиндистонга қарши “Банян-ул-Марсус”, яъни “Мустаҳкам девор” деб номланган кенг кўламли ҳарбий операция бошланганини эълон қилганди. Покистон армияси Ҳиндистоннинг бир нечта ҳарбий объектларига зарба берган.

• Ҳиндистон
• Покистон