Зилзиладан кейин Олмаотадаги мактаб, коллеж ва университетларда дарслар бекор қилинди. Бу ҳақда Қозоғистон Фан ва олий таълим вазирлиги ҳамда Олмаота таълим департаменти маълум қилди, деб хабар беради “Tengrinews.kz”.

Вазирлик расмий вакили Ержан Байтанаевнинг сўзларига кўра, зилзила оқибатида жабрланганлар йўқ. “Барча ўқувчилар эвакуация қилинди, “Таълим тўғрисида”ги қонуннинг 37-2-моддасига асосан бугундан бошлаб дарслар бекор қилинди”, - дейди Байтанаев.

Қонуннинг 37-моддаси 2-бандида фавқулодда ҳолат, тегишли маъмурий-ҳудудий тузилмаларда (айрим объектларда) ёки фавқулодда вазиятлар эълон қилинганда, маҳаллий ижро этувчи ҳокимият органлари ва таълим ташкилотларида чекловчи чора-тадбирлар, шу жумладан карантин чоралари жорий этилиши белгиланган. Олмаота таълим департаменти бугун шаҳардаги барча мактаб ва коллежларда иккинчи сменадаги дарслар бекор қилингани ҳақида хабар берди.

• Қозоғистон
• Зилзила