Тошкентдаги хусусий мактабларнинг бирида ўқитувчилар 9-синф ўқувчисини калтаклади. Ҳолат юзасидан иш материаллари Жиноят ишлари бўйича Олмазор тумани судига юборилган. Шунингдек, Болалар омбудсмани томонидан назоратга олинган.

Туман ИИО ФМБ томонидан олиб борилган терговга қадар текширув давомида аниқланишича, мазкур хусусий мактабнинг 9-синф ўқувчиси Ғ.Ж. (2008 йилда туғилган)га мактаб ўқитувчилари А.Ф. ва Н.М. томонидан жисмоний куч ишлатилган. Тайинланган суд тиббий экспертиза хулосасига кўра, Ғ.Ж.га енгил тан жароҳати етказилганлиги аниқланди.

Ҳозирда мазкур ҳолат юзасидан А.Ф. ва Н.М.ларнинг хатти-ҳаракатларига қонуний чора кўриш учун мазкур иш материаллари Жиноят ишлари бўйича Олмазор тумани судига юборилган. Воқеа юзасидан Болалар омбудсмани кузатувини давом эттирган ҳолда қўшимча ахборот бериб боради.

• Мактаб
• Омбудсман
• Тошкент