Ўзбекистон Марказий банки маълумот беришича, 18 март ҳолатига кўра, беш грамм олтин қуймаси нархи 6,427 миллион сўмни ташкил этмоқда. Республикада қимматбаҳо металларнинг нархи кетма-кет иккинчи кун ўсиб бормоқда.

10 грамм оғирликдаги қимматбаҳо металлнинг қиймати 12,8 млн сўмгача, 20 грамм 25,7 млн сўмгача ошди.

Оғирлиги 50 ва 100 грамм бўлган қуймаларнинг нархи мос равишда 64,2 млн ва 128,5 млн сўмга етди.

UBS инвестиция банки таҳлилчиларининг прогнозларига кўра, жорий йил охиригача олтин қиймати 3,2 минг долларгача кўтарилади. Қимматбаҳо металларнинг нархларининг ошишига АҚШ томонидан божхона тўловларини жорий этиш ва Америка иқтисодиётининг секинлашиши каби омиллар таъсир қилади.

• Марказий банк
• Нарх-наво
• Олтин
• Ўзбекистон