Шавкат Мирзиёев 18 сентябрь куни Нью-Йоркда АҚШнинг етакчи инвестиция компанияси Oppenheimer бошқарувчи директори Жон Тонелли билан учрашди. Бу ҳақда деб президент матбуот хизмати хабар берди.

Инвестиция банки 36 миллиард долларлик активларга эга бўлиб, музокаралар чоғида Ўзбекистонда лойиҳаларни амалга ошириш масалалари муҳокама қилинди.

Жон Тонелли саноат қувватларини яратиш ва модернизация қилиш бўйича йирик лойиҳаларга хусусий инвестицияларни жалб этиш бўйича эришилган келишувларни мамнуният билан қайд этди.

Биринчи босқичда тўқимачилик кластерлари, қурилиш материаллари саноати корхоналарини ривожлантириш, Тошкент шаҳри инфратузилмасини ривожлантириш лойиҳаларини молиялаштириш режалаштирилган.

Бундан ташқари, кичик ва ўрта бизнесни қўллаб-қувватлашга инвестицияларни йўналтириш кўзда тутилган.

Шавкат Мирзиёев белгиланган режаларни маъқуллаб, тез фурсатда амалий ишларни бошлаш бўйича масъулларга топшириқ берди.

• АҚШ
• Ҳамкорлик
• Ўзбекистон
• Тошкент