Бугун ТАССнинг хабар беришича, ўсмир қиз мактабга ўқотар қурол олиб келган ва ундан бир неча марта ўқ узган. Қурол мактаб ўқувчисининг отасига тегишли ов милтиғи бўлган.

Брянск маъмуриятининг маълумотига кўра, отишма натижасида бир нафар бола ҳалок бўлган, беш нафари яраланган. РИА Новости қиз дастлаб бошқаларни отиб охирида эса ўзига ўқ узганини маълум қилди.

Россия Соғлиқни сақлаш вазирлиги томонидан отишма қурбонларининг аҳволи ўртача оғир дея баҳоланмоқда. Отишмага қизнинг синфдошлар билан ўзаро келишмовчилиги сабаб бўлган деган тахмин мавжуд.

Воқеага гувоҳ бўлган мактаб ўқувчилари, ўқитувчилар ва ота-оналарга психологик ёрдам кўрсатилмоқда, деб хабар қилди Россия Федерацияси таълим вазирлиги.

Брянск гимназиясида отишма содир этган қизнинг отаси сўроқ қилиш учун терговга олиб кетилган.

• Россия