Осиё Ўйинлари-2022 нимчорак финали доирасида Ўзбекистон олимпия жамоаси Индонезияга қарши майдонга тушди.

Ханчжоу шаҳрида ўтган баҳсда Темур Кападзе шогирдлари ўйиннинг асосий вақтида индонезияликлар билан дуранг қайд этди – 0:0.

Қўшимча бўлимлар бошланганидан 2 дақиқа ўтиб, Жасур Жалолиддиновнинг узатмасидан кейин захирадан майдонга тушган Шерзод Эсонов ҳисобни очди, 120-дақиқада эса дублга эришиб, ўйин қаҳрамонига айланди – 2:0.

Шу тариқа, Ўзбекистон чорак финалда Саудия Арабистони – Ҳиндистон учрашуви ғолибига қарши майдонга тушади. 1/4 финал ўйини 1 октябрь куни бўлиб ўтади.

• Ҳиндистон
• Indoneziya
• Жаҳон чемпионати
• Саудия Арабистони