Қозоғистоннинг Остона шаҳрида АЖ раҳбариятининг ишчи йиғилиши бўлиб ўтди. Йиғилишда, “Йўловчи ташиш” ва “Ўзтемирйўлйўловчи” акциядорлик жамияти ўртасида йўловчи ташишни ривожлантириш ва икки давлат ўртасидаги шерикликни мустаҳкамлаш масалалари муҳокама қилинган.

Музокаралар якунида туристик поездларнинг ҳаракатланиши бўйича келишув имзоланган ва қўшма лойиҳаларни амалга ошириш бўйича ишчи гуруҳ тузилган. “Жибек жоли” сайёҳлик поезди қатновининг йўлга қўйилиши биринчи қадамлардан бўлган.

Шунингдек, сайёҳлик салоҳиятини ривожлантиришда муҳим қадам бўладиган янги халқаро йўналишлар, жумладан, Остона-Самарқанд йўналишларини очиш имкониятларини ҳам кўриб чиқилган.

Ўзбекистоннинг таклифи билан “Олмаота – Тошкент” йўналишидаги 1/2-сонли поезднинг ҳаракатланиш жадвали қайта кўриб чиқилиб, йўловчилар учун жўнаб кетиш ва келиш вақтлари янада қулайлаштирилган.

1/2-сонли “Олмаота-Тошкент” поезди ўтган йили 72 мингдан ортиқ йўловчини ташиган, бу эса мазкур йўналишга бўлган қизиқиш юқори эканлигини билдиради. Мамлакатлар ўртасидаги йўналиш узунлиги 988 км.ни ташкил этади.

• Ҳамкорлик
• Ўзбекистон
• Қозоғистон
• Temir yo'l