Жорий йилнинг 6 февраль куни Ислом Каримов номидаги Тошкент халқаро аэропортига Россия Федератсиясида ота-она қарамоғисиз қолган икки нафар вояга етмаган Ўзбекистон фуқароси келтирилди. 3 ёшли қиз ва 15 ёшли бола ота-оналари депортатсия қилинганлиги сабабли Москвада ёлғиз ва уйсиз қолишди. Болаларни кузатиб бориш Москва вояга етмаганларни ижтимоий реабилитатсия қилиш маркази Алтуфево ходимлари томонидан амалга оширилди. Миллий ижтимоий ҳимоя агентлиги болалар ва уларнинг оилаларини ҳаётга мослашиш ва барқарорликни тиклаш учун барча зарур ижтимоий хизматлар билан таъминлайди.

Агентликнинг таъкидлашича, чет элда қийин вазиятга тушиб қолган вояга етмаганларни ватанига қайтариш ва уларга ижтимоий ёрдам кўрсатиш ишлари доимий равишда олиб борилмоқда.

• Ўзбекистон
• Россия