Маданий мерос агентлиги ахборот хизмати раҳбари Моҳинур Имомованинг сўзларига кўра, республикада жами 124 та музей ва унинг филиаллари фаолият юритади.
Республика музейлари фондларида жами 2,5 миллиондан зиёд музей ашёлари ва коллекциялари мавжуд бўлиб, шундан 2 миллионга яқин экспонатлар асосий фондда сақланади. 500 мингдан зиёди эса илмий-ёрдамчи фонддаги музей ашёлари ва коллекциялари ҳисобланади.
Қайд этилишича, музейлар ва дирекцияларга 4 млн.дан ортиқ маҳаллий ва хорижий сайёҳ ташриф буюрган. Музейлар ва дирекциялар томонидан маҳаллий ва хорижий ташриф буюрувчиларга жами 20 миллиарддан зиёд пуллик хизмат кўрсатилган.
Маълум қилинишича, ўтган 2022 йилда Ўзбекистон тарихи давлат музейидан Луврдаги кўргазма учун ўттиздан ортиқ экспонат саралаб олинган. 6 дона экспонат ҳамда этнография фондидан қирқдан ортиқ экспонат Араб дунёси инстутидаги кўргазма учун танлаб олинган.
Улардан 14 дона экспонат намойиш этиш учун тақдим этилган. Мазкур музей фондларига жами 3 минг 229 дона буюм қабул қилинган. Булар ичида археология, нумизматика, этнография, табаррук буюмлар, қурол-аслаҳа, бадиий асарлар, архив ва ноёб китоблар мавжуд.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!