20 сентябрь куни эришилган келишувга кўра, қуролсизланган ва демобилизация қилинган Арманистон қуролли кучлари ходимлари Озарбайжоннинг Қорабоғ ҳудудидан Ханкенди-Лачин ва Калбажар орқали Арманистонга ўтишлари мумкин. Бу ҳақда Озарбайжон Ички ишлар вазирлиги баёнотида айтиб ўтилди.

Баёнотда, ҳарбий хизматчиларни Арманистон ҳудудига ўтказиш автобуслар ва шахсий транспорт воситаларида амалга оширилиши таъкидланган.

Маълумот учун, Озарбайжон армияси 19 сентябрь куни Қорабоғда конституциявий тузум ўрнатиш учун аксилтеррор операциясини бошлади.

Қорабоғдаги ноқонуний арман қуролли кучлари, тахминан 24 соат давом этган операциядан сўнг қуролларини ташлади. Арманистон маъмурияти ўз қуролли кучларини тарқатиб юборди.

• Озарбайжон