Озарбайжон ҳукуматидаги манбалар чоршанба куни Ақтауда Озарбайжон ҳаво йўллари самолётининг ҳалокатга учраганига Россиянинг ер-ҳаво ракетаси сабаб бўлганини тасдиқлади.

Манбаларга кўра, ракета Грозний тепасида учувчисиз ҳаво ҳаракати пайтида 8432-рейсга учирилган ҳамда шрапнель парвоз пайтида самолёт ёнида портлаган ва унинг зарралари самолётга зарар етказган.

Ҳукумат манбаларининг маълум қилишича, шикастланган самолёт учувчиларнинг фавқулодда қўнишни сўрашига қарамай, Россиянинг бирорта аэропортига қўнишга рухсат берилмаган. Сўнгра Каспий денгизи орқали Қозоғистоннинг Ақтау шаҳри томон учиш буюрилган.

Маълумотларга кўра, самолётнинг ГПС-навигация тизимлари денгиз устидан ўтаётганда ишдан чиққан.

Россия манбаларига кўра, Озарбайжон ҳаво йўллари рейси Чеченистон ҳудудидан ўтаётган вақтда Россия мудофаа кучлари Украина учувчисиз учоқларини уриб туширишга фаол уринган.

Чеченистон Республикаси Хавфсизлик кенгаши раҳбари Ҳамзат Қодиров чоршанба куни эрталаб Грознийда учувчисиз самолёт ҳужуми содир этилганини тасдиқлаб, қурбонлар йўқлигини таъкидлади. 

• Halokat
• Озарбайжон
• Қозоғистон
• Россия
• Samolyot