Озарбайжон президенти Илҳом Алиев Туркия Президенти Ражаб Тоййиб Эрдўғанга БМТ Бош Ассамблеясининг 78-сессиясида сўзлаган нутқида Озарбайжоннинг ишини қўллаб-қувватлагани учун миннатдорчилик билдирди.

Алиев Twitter ижтимоий тармоғидаги аккаунтида турк ҳамкасбига миннатдорлик изҳор этган пост жойлади.

"Азиз биродар. Бирлашган Миллатлар ташкилоти Бош Ассамблеясидаги нутқингиз давомида Озарбайжонни қўллаб-қувватлаганингиз учун ташаккур. Ҳар доимгидек, қардош Туркия бугунги кунда ҳам Озарбайжонга яқин.

Озарбайжон ва Туркия ҳар доим яқин – қувончли кунларда ҳам, қайғули дақиқаларда ҳам.

Биз ҳар доим халқаро ташкилотларда бир-биримизнинг адолатли позициямизни ҳимоя қиламиз.

Шуша декларацияси билан муносабатларимиз стратегик иттифоқчилик даражасига кўтарилди.

Сиз ҳам, мен ҳам Озарбайжон халқининг умуммиллий раҳбари Ҳайдар Алиевнинг: "бир миллат, икки давлат" деган сўзларини доимо ёдда тутиб, биродарлигимизнинг рамзи бўлиб, Озарбайжон ва Туркиянинг бузилмас бирлигини янги чўққиларга кўтарамиз”, – деган Президент Илҳом Алиев.

• АҚШ
• БМТ
• Эрдоған
• Илҳом Алиев
• Озарбайжон
• Туркия