Давлат статистика қўмитаси маълумотларига кўра, 2022 йилнинг 1 январь ҳолатига кўра республикамиздаги доимий аҳоли сони 35,3 млн. кишини ташкил этган. Бундан англашиладики, Ўзбекистон доимий аҳоли сони бўйича Мустақил Давлатлар Ҳамдўстлиги мамлакатлари орасида Россия ва Украинадан сўнг учинчи ўринни эгаллаб турибди.

Қайд этиш мумкин, ҳозирги кунда МДҲ мамлакатлари ҳудудида 280 млн. нафардан ортиқ доимий аҳоли истиқомат қилади.

Таҳлилларга кўра, 2022 йил 1 январь ҳолатига кўра МДҲ давлатларида доимий аҳоли сонининг фоиздаги улуши:

Россия – 51,3 фоиз;
Украина – 14,6 фоиз;
Ўзбекистон – 11,9 фоиз;
Қозоғистон – 6,5 фоиз;
Озарбайжон – 3,5 фоиз;
Беларус Р. – 3,3 фоиз;
Тожикистон – 3,2 фоиз;
Қирғиз Р. – 2,3 фоиз;
Туркманистон – 1,5 фоиз;
Арманистон – 1,0 фоиз;
Молдова – 0,9 фоиз.

• МДҲ
• Ўзбекистон
• Россия
• Украина