Бугун, 23 февраль куни Тожикистонда бир соат ичида 3 маротаба зилзила содир бўлди, унинг кучи Ўзбекистон ҳудудида ҳам сезилди. Бу ҳақда ФВВ Сейсмопрогностик мониторинг Республика маркази хабар бермоқда.

Маълум қилинишича, Тошкент вақти билан 05:37 да (23.02.2023 йил, Гринвич бўйича 00:37 да) Тожикистонда зилзила содир бўлган Зилзила координаталари: 38,51 градус шимолий кенглик; 72,84 градус шарқий узунлик.

Магнитуда М=5,8. Чуқурлик 147 км. Зилзила эпимаркази Тошкентдан 435 км жанубий-шарқда. Ўзбекистон Республикаси ҳудудиа сезилиш кучи:

Фарғона вилоятида 4 балл, 227 км;
Андижон вилоятида 4 балл, 256 км;
Наманган вилоятида 4 балл, 294 км;
Сирдарё вилоятида 3-4 балл, 413 км;
Тошкент шаҳрида 3-4 балл, 435 км;
Жиззах вилоятида 3-4 балл, 467 км;
Сурхандарё вилоятида 3 балл, 509 км;
Самарқанд вилоятида 3 балл, 523 км;
Қашқадарё вилоятида 3 балл, 614 км;
Навоий вилоятида 3 балл, 666 км;
Бухоро вилоятида 3 балл, 739 км.

Шунингдек, дастлабки зилзиладан сўнг, Тошкент вақти билан 5:55 да 4,7 магнитудали, 06:06 да 4,2 балли ер силкинишлари ҳам қайд этилган.