2024 йилда Ўзбекистон мудофаага 2,8 миллиард доллар сарфлади ва Марказий Осиёда ҳарбий харажатлар бўйича биринчи ўринни эгаллади, дея хабар беради Global Firepower янги ҳисоботида.

Минтақада мудофаа харажатлари бўйича иккинчи ўринни Қозоғистон эгаллади (2 миллиард доллар), Туркманистон армияга тахминан 1,1 миллиард доллар сарфлаб, учликка якун ясади.

МДҲ давлатлари орасида Россия мудофаа учун энг кўп маблағ сарфлаган - 126 миллиард доллар. Иккинчи ўринни Озарбайжон ҳарбий бюджети 5 миллиард доллар билан эгаллади.

Армия харажатлари бўйича дунё етакчилиги АҚШга насиб қилди. 2024 йилда уларнинг мудофаа харажатлари 895 миллиард долларга етди.

Ҳарбий харажатларни баҳолашда ускуналарни сотиб олиш ва техник хизмат кўрсатиш, инфратузилмани қуриш ва таъмирлаш, ҳарбий хизматчилар ва ҳарбий нафақахўрларга тўловларни ҳисобга олинди.

• МДҲ
• Мудофаа
• Ўзбекистон