Ўзбекистон Республикаси Президенти Шавкат Мирзиёев Россия етакчиси Владимир Путин билан телефон орқали мулоқот қилди. Бу ҳақда Кремль матбуот хизмати хабар берди.
“Икки томонлама ҳамкорликнинг долзарб масалалари, жумладан, Ўзбекистон Президентининг яқинда Москвага ташрифи чоғида эришилган келишувларни амалга оширишни давом эттириш масалалари муҳокама қилинди”, дейилади хабарда.

Шавкат Мирзиёев Путиннинг таклифига биноан 5-7 октябр кунлари расмий ташриф билан Россияда бўлган эди. Икки давлат раҳбарлари Шавкат Мирзиёев ва Владимир Путиннинг Кремлда бўлиб ўтган музокаралари якунларига кўра ўзаро ҳамкорлик бўйича 11 та ҳужжат имзоланган.

7 октябрь куни Ўзбекистон Президенти Шавкат Мирзиёев, Россия давлат раҳбари Владимир Путин ҳамда Қозоғистон етакчиси Қосим-Жомарт Тўқаев Россия газини Қозоғистон орқали Ўзбекистонга етказиб бериш жараёнига старт берди.

• Мирзиёев
• Путин