Ўзбекистон U-17 терма жамоаси Жаҳон чемпионатининг чорак финалида Францияга қарши майдонга тушади. Фаранглар нимчорак финалда Сенегални пенальтилар ҳисобида мағлуб этди.

Чорак финал ўйинимиз 25 ноябрь, шанба куни Тошкент вақти билан соат 13:30 да бошланади. Лекин Франция термасида муаммо юзага келмоқда. Индонезияда давом этаётган ўсмирлар ўртасидаги Жаҳон чемпионати чорак финалида Ўзбекистон билан тўқнашадиган Франция мусобақадан четлатилиши мумкин.

Яъни, термада тўп сурувчи “Монпеле” ҳужумчиси Яннис Исууфу кичик мундиалнинг саралашида Нигер ўсмирлар терма жамоасида ўйнаган ва бундан Франция футбол федерацияси хабардор бўлмаган. 

ФИФА қоидаларига кўра, бир турнир доирасида футболчининг иккита турли терма жамоада тўп тепиши мумкин эмас. Вазиятдан келиб чиқиб Франция билан бир гуруҳдан ўрин олган ва плей-офф босқичига чиқа олмаган Буркина-Фасо апелляция берган.

Иссуфу Франция терма жамоасининг гуруҳ босқичидаги барча ўйинида майдонга тушди. Нигер ўсмирлари сафида эса у 2022 йилда 2 та ўйинда майдонга тушган. Саралашда у Кот-дъИвуарга қарши ўйинда гол урган бўлса, Бенинга қарши баҳсда энг яхши футболчи деб топилган.

• Fransiya
• Indoneziya
• Жаҳон чемпионати