31°
Кечаси 18°
Ўзбекистон элчихонаси ходимлари Варшава университети ректори, Польша Академик спорт ассоциацияси президенти Алойзи Новак билан учрашув ўтказдилар, деб хабар бермоқда “Дунё” ахборот агентлиги мухбири.
Қайд этилишича, учрашувда Ўзбекистон Олий ўқув юртлари ва Варшава университети ўртасида академик ҳамкорликни ривожлантириш, Ўзбекистон фуқароларини грант асосида ўқитиш, университет негизида профессор-ўқитувчилар таркиби стажировкаларини ташкил этиш масалалари муҳокама қилинган.
Музокаралар натижасида Варшава университети делегациясининг Ўзбекистонга сафарини ташкил этиш ҳамда таълим, маданият ва спорт соҳасида қўшма тадбирлар ўтказиш борасида келишувга эришилган.
“Варшава университети “QS World University Rankings” — дунёдаги энг яхши университетлар рейтингида 262-ўринда қайд этилган ва Польшада энг нуфузли олий таълим муассасаси ҳисобланади”, дейилади хабарда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
