Ўзбекистоннинг Қозоғистондаги Фавқулодда ва Мухтор элчиси Бахтиёр Ибрагимов Қозоғистон Республикаси меҳнат ва аҳолини ижтимоий муҳофаза қилиш вазири Светлана Жакупова билан учрашув ўтказди. Томонлар меҳнат миграцияси соҳасидаги ҳамкорлик масалаларини муҳокама қилдилар. 

Жакупова Портал орқали меҳнат муҳожирлари томонидан рухсат олиш жараёни автоматлаштирилгани, шунингдек, иш берувчилар учун чет элда потенциал ишчиларни топиш имкониятлари кенгайтирилгани ва меҳнат шартномасини тузиш нуқтаи назаридан томонларнинг ўзаро муносабатлари соддалаштирилгани ҳақида гапирди.

Бундан ташқари, Светлана Жакупова юқори малакали кадрларни жалб қилиш мақсадида хорижий мутахассислар учун талаб юқори бўлган касблар рўйхати кенгайтирилганини таъкидлади.

Вазир, шунингдек, Бахтиёр Иброҳимовга порталнинг имкониятлари ва функцияларини намойиш этди. Ўз навбатида, Ўзбекистон элчиси Қозоғистонда меҳнат миграцияси соҳасида олиб борилаётган ишларнинг юқори сифати ва кейинги ҳамкорлик зарурлигини таъкидлади.

• Миграция
• Ўзбекистон
• Қозоғистон