Ўзбекистон ва Тожикистон ўртасида юк ташиш учун рухсатномалар бекор қилинди. 21 ноябрь куни юк машиналари ушбу ҳужжатни олмасдан чегараларни кесиб ўтишлари мумкинлиги тўғрисида қарор қабул қилинди. Бу ҳақда Тожикистон транспорт вазирлиги хабар берди.

Вазирликнинг тушунтиришича, Тожикистон парламентининг қуйи палатаси томонидан икки томонлама битим ратификация қилингандан сўнг, Ўзбекистон томони Тожикистон ташқи ишлар вазирлиги орқали рухсатномаларни бекор қилиш бўйича ички тартиб-таомиллар якунлангани ҳақида хабардор қилинган.

Тожикистон транспорт компанияларидан бирининг вакили бир неча кундан бери юк машиналари Тожикистон ва Ўзбекистон чегараларини рухсатномаларсиз кесиб ўтаётганини, аммо Ўзбекистон орқали учинчи мамлакатларга транзит қилиш учун ушбу ҳужжат талаб қилинаётганини таъкидлади.

• Ўзбекистон
• Тожикистон
• yuk mashinasi