Ўзбекистонда 2022 йил 14 та фаолият тури бўйича монополияларни тугатиш режалаштирилмоқда. Бу ҳақида Ўзбекистоннинг 2022-2026 йилларга мўлжалланган тараққиёт стратегияси лойиҳасида сўз боради.

Қайд этилишича, иқтисодиётда давлат иштирокини қисқартириш ва хусусий секторга кенг йўл очиш кўзда тутилган.
Эксклюзив ҳуқуқларни бекор қилиш ва давлат иштирокидаги компанияларни хусусийлаштириш ҳисобига 14 та фаолият тури бўйича монополияларни тугатиш режалаштирилмоқда.

Ушбу фаолиятлар турларига аҳоли ва ижтимоий соҳа объектларига суюлтирилган газ етказиб бериш, рангли металл парчалари ва чиқиндиларини тайёрлаш, сертификатлаштириш хизматлари ва бошқалар киритилган.

Шунингдек, ушбу бандда мамлакатдаги гигант монополияларни тугатиш ҳақида сўз юритилмаган.

• Лойиҳа
• Монополия