Россия Федерацияси президенти Владимир Путин Хитойга ташрифи якунида ОАВ вакиллари учун ташкил этган брифингда Украина можароси ҳақида ҳам тўхталиб ўтди. Таҳлилчиларнинг сўзларига кўра, қуйидаги сўзлар Путиннинг асосий баёнотлари сифатида эътироф этилди:

Украина ўзининг хавфсизлик тизимини танлаш ҳуқуқига эга, лекин буни Россия ҳисобидан қилмаслиги керак;

Россия Федерацияси Украинанинг НАТОга аъзо бўлишига доим эътироз билдирган, лекин Европа Иттифоқига эмас;

“Ҳудудлар эвазига Украина учун хавфсизлик кафолатлари” масаласи ҳеч қачон кўтарилмаган;

Россия “махсус операция”ни ҳудудлар учун эмас, балки одамлар ҳуқуқлари учун олиб бормоқда;

Референдумларда Россияга қўшилишни қўллаб-қувватлаган одамларнинг фикрини ҳурмат қилиш керак;

2022 йилда Россия Украинага ўз қўшинларини Донбассдан олиб чиқиб, можарога чек қўйишни таклиф қилган эди, бироқ биз қўшинларимиз Киевдан олиб чиқилгандан сўнг Украина ўз фикрини ўзгартирди;

Киевга ҳудудлар масаласи бўйича референдум керак, бунинг учун ҳарбий ҳолатни бекор қилиш, демак, сайловлар ўтказиш керак;

Ҳозир Россия Қуролли Кучлари барча йўналишларда муваффақиятли олға силжимоқда;

Украина Қуролли Кучлари ўз сафларини ушлаб туришга ҳаракат қилмоқда, лекин уларнинг захиралари тугамоқда, улар кенг кўламли ҳужумга қодир эмас;

Мединский гуруҳи Украина тинчлик музокараларида самарали ишламоқда. Шунга қарамай, Россия Украина билан музокаралар даражасини оширишга тайёр;

Зеленский учрашувга тайёр бўлса, уни Москвада ҳам ўтказиш мумкин, лекин бундай учрашув яхши тайёрланган бўлиши керак.

• Конференция
• Россия
• Украина
• Уруш