“Шу ҳафта Туркия, Форс кўрфази давлатлари, руслар билан суҳбатлашиш учун платформа бўлиши мумкин бўлган Европа мамлакатлари билан алоқалар ўтказилади. Биз томондан урушни тугатиш учун ҳамма нарса максимал даражада тайёр бўлади”, — деган Зеленский.

Украина етакчисининг сўзларига кўра, барчаси фақат дунё етакчиларининг, биринчи навбатда, АҚШ президенти Доналд Трампнинг Россияга босим ўтказишига боғлиқ бўлади.

“Россия ҳақиқий музокаралардан қочишда давом этмоқда. Буни фақат кучли санкциялар, юқори тарифлар, яъни ҳақиқий босим билан ўзгартириш мумкин. Биз ҳам Москвага таъсир қилиши мумкин бўлган қадамларимизни ташлаяпмиз”, — дея қўшимча қилган Зеленский.

• Музокара
• Россия
• Трамп
• Туркия
• Украина
• Зеленский