Иш ҳафтасининг охиригача беқарор об-ҳаво сақланиб туради, деб хабар бермоқда “Ўзгидромет”.

Маълум бўлишича, республика ҳудуди бўйича баъзи жойларда ёмғир ёғиши сақланиб туради, фақат 26-28 март кунлари Қорақалпоғистон Республикаси, Хоразм, Бухоро, Навоий вилоятларида ёмғир ёғиши эҳтимоли кам.

Бу кунларда ҳарорат аста-секин пасаяди ва кечалари 4-6 даража илиқни, кундуз кунлари 8-13 даража илиқни ташкил этади.

Тоғолди ва тоғли ҳудудларда ёғингарчилик (ёмғир ёғади, қорга айланиши мумкин), 24—25 март кунлари баъзи жойларда кучли бўлади.

Республиканинг тоғолди ва тоғли ҳудудларида сел-сув тошқин ҳодисалари юзага келиши мумкин. 24—25 март кунлари тоғли ҳудудларда қор кўчиши хавфи бор.

Тошкентда 24 март куни ёмғир ёғади. Ҳарорат 15-17 даража илиқ бўлади. 25 мартда ёмғир ёғади. Шамол 5-10 м/с тезликда эсади. Ҳарорат кечаси 6-8 даража илиқ, кундузи 12-14 даража илиқ бўлади. 26—27 март кунлари вақти-вақти билан ёмғир ёғади. Ҳарорат кечалари 4-6 даража илиқ бўлади, кундуз кунлари 8-10 даража илиққача пасаяди.

Ўзбекистонга салқин ҳаво кириб дам олиш кунлари кириб келган эди. 24—27 март кунлари кутилаётган ёмғирли об-ҳаво туфайли республиканинг 9 та вилояти тоғолди ва тоғли ҳудудларида сел хавфи эълон қилинган.

• Об-ҳаво
• Ўзбекистон
• Сел
• yomg‘ir