Жаҳон банкининг молия секторидаги ислоҳотларни қўллаб-қувватлашга қаратилган миссияси Ўзбекистонда иш бошлади. Миссиянинг йўналишларидан бири молиявий хизматлар истеъмолчиларининг ҳуқуқларини ҳимоя қилишнинг мустақил механизми бўлган молиявий Омбудсман институтини ташкил этишни муҳокама қилиш бўлди.

Техник ёрдам дастури доирасида Жаҳон банки экспертлари ўзбекистонлик мутахассислар билан биргаликда ушбу тузилмани жорий этиш бўйича босқичма-босқич режа ишлаб чиқмоқдалар.

Шунингдек, 2025-2026 йилларга мўлжалланган Қонунчилик ислоҳотлари ва молиявий хизматлар мижозлари учун ижобий натижаларга йўналтирилган янги тартибга солиш моделини жорий этиш муҳокама қилинмоқда.

Бундан ташқари, мутахассислар молиявий хизматлар истеъмолчиларини ҳимоя қилиш концепцияси ва молия бозорини мониторинг қилиш бўйича қўлланмани тақдим қилишди. Улар халқаро амалиётга, шу жумладан Буюк Британия ва Канада тажрибаларига асосланган бўлиб, Ўзбекистонда янада адолатли ва шаффоф молиявий тизимни шакллантириш учун асос бўлиши керак.

• Молия
• Омбудсман
• Ўзбекистон