Ўзбекистон мезбонлик қиладиган футзал бўйича Жаҳон чемпионатининг расмий тимсоли Хон исмли Турон йўлбарси бўлади. Бу ҳақда Халқаро футбол федерацияси (ФИФА) ўз расмий сайтида хабар берди.

ФИФАнинг қайд этишича, Хон ҳақиқатан ҳам футзалнинг ўзига хос хусусиятлари, жумладан, тезлиги ва жозибали табиати ҳамда Ўзбекистоннинг маҳаллий ва минтақавий меросини ифодалайди.

“Мафтункор йўлбарс ҳам футзал мусобақаси руҳини ифодалаб, қаердан бўлишингиздан ва ким бўлишингиздан қатъи назар, футзал майдонида ва жамиятда ўз ўрнингиз борлигини барчага эслатиб туради.

Хон танловидан футзалчилар Турон йўлбарсларининг яшириниш, йўқ жойдан пайдо бўлиш қобилиятидан илҳом олади”, – дейилади федерация хабарида.

Эслатиб ўтамиз, 14 сентябрдан 6 октябргача Ўзбекистоннинг уч шаҳри – Тошкент, Бухоро ва Андижон футзал бўйича 2024 йилги ФИФА жаҳон чемпионатига мезбонлик қилади.

• FIFA
• Футзал