Аввалроқ, Россия Давлат Думаси Вячеслав Володин Россияга келганлар рус тилини билиши шарт эканлигини айтган эди. Володинга Ўзбекистон Республикаси Олий Мажлис Қонунчилик палатаси Спикерининг ўринбосари, “Миллий тикланиш” ДП МК раиси Алишер Қодиров жавоб қайтарди.

“Сўзсиз, Россияга ишга бораётганлар рус тилини билишлари шарт, лекин бу Ўзбекистонда яшаётган русларни ўзбек тилини билишлари шарт эмас дегани эмас!

Ўзбекистонда яшаётган барча миллатли ватандошлар ўзбек тилини билишлари шарт.

Қонунларимизда босқичма-босқич боғча ва бошланғич таълимда бошқа миллатли ватандошларга ўз она тили ва қадриятларини ўрганишига шароит яратиш билан бир қаторда, ўзбек тили мажбурий ўрганадиган тил сифатида белгиланиши керак.

Ўзбек тилини билмайдиган инсон нафақат давлат хизматида ишлаши, балки давлат хизматларидан фойдаланиши ҳам мумкин бўлмай қолишига эришишимиз керак”, – деган Алишер Қодиров.

• Алишер Қодиров
• Россия
• migrant