Аҳолининг тобора ўсиб бораётган озиқ овқат ва нооозиқ овқат товарларга бўлган эҳтиёжини қондириш мақсадида импорт ўрнини босувчи товарларни ишлаб чиқаришни рағбатлантириш механизмлари жорий этилаётгани ўз самарасини бермоқда.

Хусусан пойтахт вилоятида ҳам кейинги йилларда иқтисоднинг турли соҳаларига сармоя киритиш истагини билдираётган инвесторлар сони кундан кунга ортиб бормоқда.

Тадбиркорларнинг ўзлари бевосита хорижий ҳамкорлар билан амалга ошираётган лойиҳаларидан ташқари, ўтган ва жорий йилнинг биринчи чораги давомида олий даражадаги давлат ташрифлари ва халқаро тадбирлар доирасида 45 нафардан зиёд йирик лойиҳалар бўйича дастлабки келишувларга эришилиб бу келишувларда хорижий ҳамкорлар томонидан 5 миллиард АҚШ долларидан зиёд сармоя киритиш хоҳиши билдирилган.

Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил девони тегишли вазирлик хокимлик органиинг тузилмалари билан биргаликда бу инвесторлар билан бевосита ҳамкорликда ишлар йўлга қўйилган. Хусусан ўтказилаётган учрашувлар давомида инвесторларга яратиб берилган имкониятлар билан таништириш билан бир қаторда уларга беғараз ҳуқуқий ёрдам кўрсатилиб ҳуқуқлари ва қонун билан кафолатланган манфаатлари ҳимоя қилиниб келинмоқда.

Бизнес Вакил девони матбуот хизмати

• Бизнес
• Инвестиция
• Халқаро