“Туркияда ўзбекистонлик официант аёл отишмада бошига ўқ тегиб, ҳалок бўлди”, – деб хабар бермоқда Истанбулдаги Бош консулхона. Маълум қилинишича, 2025 йил 5 июль куни Туркиянинг Айдин вилоятида жойлашган ресторанда официант сифатида фаолият юритиб келган, 35 ёшли ўзбекистонлик аёл отишма оқибатида бош қисмидан оғир жароҳат олиб, воқеа жойида вафот этган.

Мазкур жиноятни содир этганликда гумон қилинаётган 5 нафар шахс ҳуқуқни муҳофаза қилувчи органлар томонидан қўлга олинган бўлиб, айни пайтда тергов ҳаракатлари олиб борилмоқда. Вафот этган фуқаронинг жасадини Ўзбекистонга юбориш, шунингдек, унинг яқинларига зарур ёрдам кўрсатиш бўйича Бош консулхона ҳамда Вазирлар Маҳкамаси ҳузуридаги Миграция агентлигининг Туркиядаги вакиллиги томонидан тегишли чора-тадбирлар амалга оширилмоқда.

• Konsullik
• Отишма
• Ўзбекистонлик
• Туркия