Полшада стол тенниси бўйича ўсмирлар ўртасида “WTT Youth Series” мусобақасининг навбатдаги босқичи бўлиб ўтмоқда. 

Қувонарлиси, унда иштирок этаётган терма жамоамиз вакиллари олтин ва бронза медалларига сазовор бўлишди.

Бу йилги турнирларда чинакам кашфиётга айланиб улгурган Асел Эркебаева яна бир бор ўз тенгқурлари орасида айни пайтда энг кучли спортчи эканини исботлади. У-13 тоифасида қатнашган Эркебаева ҳал қилувчи беллашувда мезбонлар вакиласи Катарина Ражковскани 3:2 ҳисобида мағлубиятга учратди. Шунингдек, ярим финалда Аселга имкониятни бой берган бошқа бир ҳамюртимиз Аружан Камалова бронза медали билан тақдирланди.

“WTT Youth Series”, Полша.
У-13, қизлар:
1. Асел Эркебаева (Ўзбекистон)
2. Катарина Ражковска (Полша)
3. Аружан Камалова (Ўзбекистон)
3. Ярина Прекуп (Руминия)

• Ўзбекистон
• стол тенниси