Тошкентда бўлиб ўтаётган “Ўзбекистон Соғлиқни сақлаш тизими трансформацияси” мавзусидаги халқаро форумда соғлиқни сақлаш вазири Амрилло Иноятов анжумандан кўзланган мақсад тиббиёт тизимига сармоя жалб қилиш, балки соғлиқни сақлаш соҳасига инновация жорий этиш, тиббий хизмат сифатини оширишга ёрдам берадиган шерикликнинг янги шаклларини ривожлантиришдан иборат эканини таъкидлади. Бу ҳақда УзА хабар бермоқда. 

Вазир инвестор ва тадбиркорларга қатор лойиҳаларни таклиф қилди. Жумладан, 170 туман ва шаҳар тиббиёт бирлашмалари лаборатория хизматини аутсорсингга беришга тайёр. Республика бўйича 14 та туғруқ мажмуаси бино ва иншооти ер майдони билан бирга ноль қийматда инвесторга, ишончли бошқарувга берилади. Жорий йил 11 ҳудудда гемодиализ хизмати давлат-хусусий шериклик асосида тадбиркорларга ўтади. ДХШ йўли билан республикамизнинг ҳар бир ҳудудида 1000-1500 ўринли кўп тармоқли шифохоналар барпо этилади.

• SSV
• Шифокор