Бундан бир неча кун аввал ўзбекистонлик блогер Озод Хуррамов Дубайга оилавий кўчиб кетгани ҳақида хабар берган эди. У Дубайда янги ҳаёт бошлашга қарор қилган эди. Бир кун аввал блогер ўз саҳифасида фирибгарлар қурбонига айлангани ҳақида маълум қилди.

“Мени алдаб, 14 минг долларимни олиб кетишди. Дубайга келишимдан бир неча кун олдин мен квартирани банд қилдим, чунки уни бошқа одамга бериб юборишлари мумкин эди. Мен дунёга машҳур платформа орқали банд қилдим. Кўчиб ўтиш вақти келганида ва мен квартиранинг манзилини сўраганимда, улар менга жавоб беришни тўхтатишди. Энди оилам билан кўчада қолдик. Ўзим билан фақат нақд 6 минг АҚШ доллари олиб келгандим, ҳозир қўлимда 1,8 минг АҚШ доллари қолган”.

Блогер ўз обуначиларидан картага пул жўнатиб, унга молиявий ёрдам беришларини сўраган. Кўпчилик фойдаланувчилар унинг ҳаракатларини танқид қилишган.

Инста-блогер Марям Тиллаева вазиятга изоҳ беришга қарор қилди. Марям шунга ўхшаш вазиятга дуч келганини айтиб, пулни қандай қайтариш бўйича маслаҳат берди. Аммо ваҳимага тушиб, обуначилардан ёрдам сўраш тўғри йўл эмаслигини тушунтирди.

“Менимча, обуначилардан пул сўраш мутлақо тўғри эмас. Сиз блогерсиз, йигитсиз, сизга реклама беришади, Тошкентда квартирангиз, машинангиз ва жамоангиз бор. Сиз ёрдамсиз ҳам вазиятда чиқа оласиз”, деб ёзган у.

• Блогер
• Instagram