Жаҳон соғлиқни сақлаш ташкилоти бош директори Тедрос Гебреесуснинг маълум қилишича, мамлакатлар янги пандемия эҳтимолига тайёргарлик кўришлари зарур.

Чунки сўнгги ҳафталарда норка, тулки, денгиз мушуги каби бир қатор сут эмизувчилар туркумига мансуб ёввойи ҳайвонларда парранда гриппи (H5N1) вируси аниқланган.

Қайд этилишича, 1996 йилдан буён бу хасталик ёввойи қуш ва маҳаллий паррандалар орасида авж олаётган эди. Энди эса у сут эмизувчилар туркумига мансуб жониворларга юқаётгани хавотирларга сабаб бўлмоқда.

«Тўғри, ушбу хасталик камдан кам ҳолатларда одамлар ўртасида тарқалиши қайд этилган. Аммо бу ҳолат келажакда ҳам фақат шундай давом этишини тахмин қилолмаймиз.

Шундай экан, ҳар қандай ўзгаришларга тайёр бўлишимиз керак. Одамлар эса инфекциядан зарарланган ва касалликдан ўлган ҳайвонларга яқинлашмасликлари зарур.», – дейди Т. Гебреесус.

ЖССТ раҳбарининг COVID-19 пандемияси инсоният учун сабоқ бўлиши кераклигини таъкидлаган.

• ЖССТ
• Парранда гриппи
• пандемия