Арманистоннинг кун тартибида Ереваннинг КХШТдаги иштирокини тўхтатиш масаласи турибди. Бу ҳақда мамлакат бош вазири Никол Пашинян маълум қилди.

"Арманистоннинг КХШТдан чиқиши ҳақида гапирганда, биринчи навбатда, ташкилотнинг мавжуд мажбуриятларини назарда тутяпман. Бу масала кун тартибидан ташқарида деб айтмаган бўлардим. Чунки муҳокама қилинадиган масалалар бор экан, бу масала ҳам кўриб чиқилиши шарт", – дейди у.

Бош вазирнинг таъкидлашича, КХШТ мониторинг гуруҳининг Арманистонга келиши масаласи очиқлигича қолмоқда. Шу сабаб, мамлакат аъзоликни музлатиш ёки де-юре тугатишни истисно этмайди.

Унинг қўшимча қилишича, агар Ереван ташкилот олдидаги ўз мажбуриятларини бажаришни тўхтатган деб қарор қилса ёки аъзо давлат мақоми ўз хавфсизлиги масалаларини муҳокама қилишга халақит берса, ташкилотдан расман чиқиб кетади.

Шу билан бирга, Никол Пашинян мамлакатда Россияга ишонч даражаси пасайганини иддао қилмоқда.

КХШТга олтита давлат – Арманистон, Беларус, Қозоғистон, Қирғизистон, Россия ва Тожикистон киради.

• Арманистон
• КХШТ