Миллиардер Павел Дуров "Telegram Premium"дан тушган маблағ нимага сарфланишини айтиб ўтди. Эслатиб ўтамиз, айни вақтда унинг платформасидан фойдаланувчилар сони 700 миллион кишидан ошган.

"Premium" обуна фойдаланувчиларга 4 гигабайтгача бўлган файлларни юклаш, 1000 тагача каналга обуна бўлиш, чатларларни 20 та бўлимга ажратиб тартиблаш, тўртинчи аккаунтни қўшиш, 10 тагача чатни пин қилиш, ўзига хос стикер ва реакциялар, аудиони матн кўринишига келтириш, файлларни максимал тезликда юклаб олиш ва бошқа бир қатор имкониятларни тақдим этган.

Павел Дуровнинг айтишича, "Premium" обунани фойдаланувчиларнинг бор-йўғи 2,5-3 фоизи харид қилса, Telegram бунинг ҳисобига ўзи харажатларини қоплай олади.

"Бу ижтимоий тармоқлар тарихида янги, эътибор фойдаланувчига қаратилган давр бошланганини англатади", деб ёзди Дуров.

• Дуров
• Телеграм
• миллиардерлар