Пекинда Олимпиада делегацияси вакилида коронавирус билан касалланган биринчи ҳолат аниқланди.

4-20 февраль кунлари Хитойнинг Пекин шаҳри 2022 йилги қишки Олимпия ўйинларига мезбонлик қилади.

Делегатлар ва ўйинларга жалб қилинган шахслар аллақачон мамлакатга кела бошлаган. Маълум қилинишича, 23 январь куни Хитойга 529 киши келди, улардан 153 нафари Олимпия делегациялари вакиллари (шу жумладан спортчилар) дир.

Пекин-2022 ташкилий қўмитаси матбуот хизмати маълумотларига кўра, уларнинг барчаси аэропортда коронавирус учун тестдан ўтказилган ва тўрт кишида мусбат натижа қайд этилган.

Касалланганлардан бири мамлакатлардан бирининг спорт делегацияси вакили, бироқ унинг исми ошкор этилмаган.

Манба шунингдек, Пекинга аввалроқ келганлар орасида яна икки юқтиргани аниқланганини, бироқ улар Олимпия делегациялари аъзоси эмаслигини таъкидлаган.

Эслатиб ўтамиз, аввалроқ Қишки Олимпия ўйинларининг чипталари очиқ савдога чиқарилмаслиги ҳақида хабар берилган эди.

• Жаҳон
• Қишки Олимпиада