Куни кеча, 16-феврал куни хоккей бўйича Пекин-2022 Олимпиадасининг чорак финал учрашувлари бўлиб ўтди.
Унда Финляндия терма жамоаси турнирнинг 1/4 финалида Швейцарияни мағлуб этди (5:1). Словакия эса АҚШ устидан 3:2 ҳисобида зафар қучди.
Энди ярим финалда Финляндия ва Словакия термалари ўзаро баҳс олиб боради.
Бундан ташқари, Россия терма жамоаси Данияни 3:1 ҳисобида мағлуб этиб, ярим финалга йўл олди. Амалдаги Олимпия чемпиони ҳисобланган руслар хоккей ватани – Канадани сенсацион тарзда мағлуб этган Швецияга қарши музга чиқади.
Қайд этиш мумкин, канадаликлар 2006-йилдан бери биринчи марта Олимпиадани медалсиз якунлайдиган бўлди.
2010 ва 2014-йилларда Канада терма жамоаси чемпионликни қўлга киритган бўлса, 2018-йилги Пхёнчхан Олимпиадасида жамоа бронза медали билан тақдирланган эди.
Маълумот учун, ярим финал баҳслари 18-феврал куни бўлиб ўтади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!