Покистон ҳукумати аввалроқ Покистон Электрон ОАВларни тартибга солиш бошқармаси (PEMRA) томонидан илгари сурилган собиқ бош вазир Имрон Хоннинг ОАВга чиқишига қўйилган тақиқни бекор қилишни буюрди.

Кўрсатма PEMRA PTI раҳбари Имрон Хоннинг матбуот анжуманини трансляция қилишни тақиқлаганидан бир соат ўтгач эълон қилинди.

Агентлик баҳона сифатида Имрон Хон ўз чиқишларида давлат институтларига қарши асоссиз айбловлар қўйганини кўрсатди.

Уларнинг фикрича, миллий телевиденияда бундай контентнинг кўрсатилиши жамиятда нафратнинг кучайишига сабаб бўлади ва Имрон Хоннинг чиқишлари миллий хавфсизликка таҳдид солади.

Эслатиб ўтамиз, бир кун аввал Имрон Хон бош вазир Шеҳбаз Шариф, ички ишлар вазири Рана Санауллоҳ ва ҳарбий доираларнинг номи ошкор этилмаган вакилини ҳаётига суиқасд уюштиришда айблаган эди.

• Imron Xon
• Покистон