Покистон суди айни пайтда қамоқда бўлган мамлакатнинг собиқ бош вазири Имрон Хонга коррупция иши бўйича 14 йиллик қамоқ жазосини тайинлади. Шунингдек, суд унинг рафиқаси Бушра Бибини ҳам етти йилга озодликдан маҳрум қилди.

Хон 2022 йилда бош вазир лавозимидан кетганидан кейин унга нисбатан бешинчи ҳукм ўқилди. У илгари коррупция, давлат сирларини ошкор қилиш ва никоҳ қонунларини бузиш каби бир қатор бошқа айбловлар билан айбдор деб топилган. Хусусан, суд Хон ва Биби мусулмонлар учун маҳаллий қоидаларда белгиланган ажралишдан кейинги мажбурий уч ойлик муддатга риоя қилмасдан турмуш қурганликларини аниқладилар.

2024 йил декабрь ойида Хоннинг Адолат ҳаракати партиясининг минглаб тарафдорлари Исломободда сиёсатчини озод қилишни талаб қилиб, норозилик намойишларини ўтказдилар. 

• Imron Xon
• Покистон