Покистоннинг Белужистон вилоятида муссон шамоллари мавсуми учун одатий бўлган кучли ёмғир туфайли мавсумий тошқинларнинг қурбонлари сўнгги бир неча ҳафта ичида 186 кишини ташкил этганлиги айтилди.

Вилоят фавқулодда хизматлари маълумотларига кўра, сўнгги бир неча ҳафта ичида Белужистонда 85 эркак, 45 аёл ва 56 бола ёмғир ва тошқинларда ҳалок бўлган, яна 75 киши жароҳат олган.

Шунингдек, ёмғир ва тошқинлар 23 мингдан ортиқ қорамол ва паррандаларни йўқ қилди, 18087 уйни вайрон қилди ва вилоятдаги 16 та кўприкка зарар етказди дейилади хабарда.

Маълумотларига кўра, бутун мамлакат бўйлаб июл ва август ойларининг бир қисмида мавсумий ёмғир ва тошқин қурбонлари сони 700 дан ошган.

2022 йилда Жанубий ва Жануби-Шарқий Осиёда муссон ёғингарчиликлари меъёрдан 30-40 фоизга ошиб Покистон, Ҳиндистон, Шри-Ланка, Камбоджа, Лаос, Вейтнам, Таиланд ва Малайзия ва бошқа мамлакатларда тошқинлар ва кўчкилар қайд этилган.

• Покистон
• сув_тошқини