31°
Кечаси 18°
Покистонда суд WhatsApp мессенжери орқали юборилган хабарлари туфайли 22 ёшли талабани ўлим жазосига ҳукм қилди. Бу ҳақда “BBC” хабар берди.
Қайд этилишича, Панжоб вилояти суди судланувчи мусулмонлар диний ҳис-туйғуларини ҳақоратлаш мақсадида фотосурат ва видеолар билан бўлишган, деб топган.
Шу иш бўйича 17 ёшли ўспирин умрбод қамоқ жазосига ҳукм қилинган. Уларнинг иккаласи ҳам айбловларни рад этмоқда. Покистонда шаккоклик ёки динни таҳқирлаш ўлим билан жазоланади. Баъзи гумонланувчилар ишлари судга оширилишидан олдинроқ оломон қилиб ўлдирилган.
Йигитларнинг адвокатлари улар “қопқонга тушиб қолгани”ни даъво қилган. Ўлимга ҳукм этилган йигитнинг отаси Лаҳор Олий судига апелляция беришини маълум қилган.
Шаккокликка қарши қонунлар биринчи марта Ҳиндистоннинг британиялик ҳукмдорлари томонидан ўрнатилган ва 1980-йилларда Покистон ҳарбий ҳукумати даврида кенгайтирилган.
Нашр эслатишича, ўтган йил августида Покистон шарқидаги Жаранвала шаҳрида икки нафар насроний Қуръонни таҳқирлашда айбланганидан кейин ўнлаб черковлар ва уйларга ўт қўйилган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
