Покистондан картошка импорт қилинди. Шу сабаб унинг нархи пасаймоқда.

2025 йилнинг февраль ойида Тошкент шаҳридаги супермаркетларда озиқ-овқат маҳсулотлари нархининг ўзгариши таҳлил қилинди.

Мониторинг натижалари 6 номдаги маҳсулот бўйича минимал нархлар ўтган ойдагига нисбатан пасайганлигини кўрсатмоқда.

Қайд этилишича, картошканинг минимал нархи 26,1 фоиз, қизил сабзиники 11,3 фоиз, лавлагиники 8,2 фоиз, тухумники 7,8 фоиз, сутники 0,9 фоиз, шакарники 0,4 фоиз пасайган.

Картошка нархининг пасайишига ўтган ойда Покистондан картошка импорт қилингани сабаб бўлган.

Бодринг нархи эса сезиларли даражада ошган, аммо ўтган йилнинг шу давридагига нисбатан 30,0 фоиз арзон.

7 номдаги маҳсулотнинг энг паст нархлари ўзгаришсиз қолган. Булар -  буғдой уни, гуруч, гречка, макарон, олма, банан, товуқ гўшти.

• Импорт
• Покистон
• kartoshka