Грузия президенти Саломе Зурабишвили мамлакатда ўтказилган парламент сайловларини “ноқонуний” деб атади. Бу ҳақда Грузия нашрлари хабар берди.

Шунингдек, давлат раҳбари фуқароларни норозилик намойишларига чиқишга чақирди.

“Бу сайловларни тан олиш мумкин эмас. Бу Россиянинг бу ерга келишини, Грузиянинг Россияга бўйсунишини тан олиш билан баробар. Сайловлар бутунлай сохталаштирилган ва мен уларни тан олмайман”, – деди Зурабишвили.

Грузия оммавий ахборот воситаларининг ёзишича, мамлакатнинг барча тўрт мухолифат партияси парламент сайловлари натижаларини тан олмаяпти.

Президент бундай вазиятда у кўча намойиши форматини қўллаб-қувватлашини маълум қилди ва ҳаммани Руставели проспектига чиқишга чақирди.

Маълумот учун, “Грузия орзуси” партияси 53 фоиз овоз тўплаган, бу эса партияга ҳукуматни яккахон шакллантириш имконини беради.

• Грузия
• saylov