ПСЖ ҳужумчиси Неймар катта таклиф бўлишига қарамай, Саудия Арабистони чемпионатида ўйнашни истамаяпти.

Footmercato хабарига кўра, Яқин Шарқ клуби бразилиялик футболчига 400 миллион евролик таклиф билан чиққан, бироқ футболчи рад жавобини берган.

Неймарга фақат иккита клуб қизиқмоқда: унинг ҳозирги клуби ва “Манчестер Юнайтед”.

Аввалроқ ҳам бразилиялик ҳужумчи билан музокаралар ўтказаётгани ҳақида хабарлар тарқалган эди. Инглиз клубига ўтиш вариант Қатарлик инвесторларнинг МЮни сотиб олишига боғлиқ бўлади.

Қайд этилишича, ПСЖ иш ҳақи харажатларини камайтириш учун Неймарни сотишга тайёр. Қолаверса, клуб унинг хатти-ҳаракатларидан унчалик мамнун эмас.

Клуб билан шартномаси 2025 йилгача мўлжалланган Неймар 2017 йилдан бери ПСЖ сафида тўп тепади.

Маълумот ўрнида, жорий мавсум футболчи барча турнирларда 29 та ўйинда майдонга тушиб, 18 та гол ва 17 та голли узатмага муаллифлик қилган.

• Футбол
• Неймар